Programa honen helburua da teknologia berritzaileak erakusteko eta balioztatzeko jarduerak sustatzea, Euskadin energia iturri berriztagarrien ezarpena areagotzeko ahalmena duten olatu energia eta itsasoko energia eolikoak aprobetxatuz.

Diruz lagun daitezkeen jarduerak:

• Olatuen energia aprobetxatzeko gailuen eskala errealeko, edo errealetik gertu dauden prototipoen demostrazio eta balidazio esperimentaleko jarduerak.
• Aerosorgailu flotatzaileen eskala errealeko, edo errealetik gertuko prototipoen demostrazio eta balidazio esperimentaleko jarduerak.
• Aurreko ataletan deskribatutako edozein prototipotako azpisistemen eta osagaien demostrazio eta balidazio esperimentaleko jarduerak.

Aurrekontuko zuzkidura

Programak 2.500.000 euroko aurrekontua du.

Laguntzen mugak

Diruz lagun daitekeen gutxieneko kostua: 125.000 euro.

Diruz lagun daitekeen gehieneko kostua: 10.000.000 euro arte, proposatutako jarduera-motaren arabera.

Jarduketa bakoitzeko gehienez 2.500.000 euroko diru-laguntza, proposatutako jarduera-motaren arabera.

Prozedura mota

Lehia-prozedura.

Arau-oinarria

Europako Batzordearen 2014ko ekainaren 26ko 651/2014 EB Erregelamenduaren 25. artikulua (EBAO 2014 L 187), 651/2014 Erregelamendua eta 2022/2473 Erregelamendua (EBAO 2014 L 187) aldatzen dituen 2023ko ekainaren 23ko 2023/1315 Erregelamenduak gehitutako aldaketetatik eratorritako azken idazketaren arabera. Erregelamendu horrek 651/2014 Erregelamendua eta 2022/2473 Erregelamendua (EBAO L 167/1) aldatzen ditu.

  EBAZPENA, 2023ko uztailaren 27koa, Energiaren Euskal Erakundeko zuzendari nagusiarena, garatzeko bidean dauden itsas arloko energia-teknologia berriztagarriak erakusteko eta balioz- kotzeko inbertsioetarako 2023. urterako laguntzen programaren oinarri arautzaileak onartzen, deialdia egiten eta argitaratzen dituena.