- 2023ko ekainaren 6tik aurrera egongo da indarrean, www.eve.eus helbidean
- Laguntzek, 2 milioi euroko inbertsioarekin, bizitegi-sektorean energia berriztagarriak ezartzeko bideragarritasun-azterlanak bultzatuko dituzte, eta energia-eraginkortasuneko inbertsioak merkataritzaren eta banaketaren sektorean.
Bihar irekiko da bizitegi-sektorean energia berriztagarrien instalazio berriak sustatu nahi dituen laguntza-programa, bai eta merkataritzan eta banaketa-sektorean energia-eraginkortasuna hobetzeko neurri berriak ere. Egitarauaren xehetasunak gaur argitaratu dira EHAAn, eta 2023ko urriaren 31ra arte egongo da zabalik.
Programak bi laguntza-azpiprograma ditu. Alde batetik, bizitegi-sektorean energia berriztagarriak ezartzeko bideragarritasun-azterketei buruzkoa, gas naturalaren edo gasolioaren beroa sortzeko gela komunitarioak berritzeko. Bestalde, bigarren azpiprogramak merkataritzako eta banaketako energia-eraginkortasuneko inbertsioak sustatzen ditu (jarduera-taldeek ordezkatutako azpisektoreetan: G46 - Handizkako merkataritza eta merkataritzako bitartekariak, eta G47 - Txikizkako merkataritza eta merkataritzako bitartekariak).
Deialdi honen xede diren dirulaguntzak eskuratu ahal izango dituzte jabeen erkidegoek, lehen azpiprograman, eta enpresek (EJSN 2009 G46 eta/edo G47 jarduera-taldeen barruan badago), bigarren kasuan.
Programa Energiaren Euskal Erakundearen funts propioekin finantzatzen da, eta zuzkidura ekonomiko osoa 2 milioi eurokoa da.
Laguntza-deialdi honetako eskabideak izapidetzeari buruzko informazio gehiago nahi izanez gero, sartu URL honetan:
https://www.euskadi.eus/diru_laguntza/2023/etxebizitzaren-sektorean-energia-berriztagarriak-ezartzeko-bideragarritasun-azterlanetarako-laguntzen-programa-eta-energia-eraginkortasunerako-inbertsioak-merkataritzaren-eta-banaketaren-sektorean/web01-s2ekono/eu/