Energia egoeraren behatokia

Energia elektrikoa
Euskadin abenduan kontsumitutako elektrizitatea  %0,6 igo da aurreko urtekoarekin alderatuz gero eta urteko metatuari dagokionez %2,2 murriztu da. Industriak %1,7 egin du behera 2018ko abenduarekin alderatuz eta urteko metatua %2,5 baxuagoa izan da. Eraikinen sektoreak berriz, %4,6 egin du gora, baina urteko metatua %2,2 murriztu da.

Etxebizitzen sektorean eta zerbitzuetan, elektrizitate kontsumoak %4,8 eta %4,4 egin dute gora aurreko urteko abenduarekin alderatuz, baina urteko metatuak %3,6 eta %1,2 egin dute behera.
Siderurgia sektorearen kontsumoak %3 egin du behera eta urteko metatua %2,8 murriztu da. 2019ko abenduan, ibilgailuen sorkuntza sektoreak %21 egin du gora eta obra publikoak %17. Automobilen eraikuntza eta egur eta kortxo sektoreek, berriz, behera egin dute, %12,8 eta %4,8, hurrenez hurren.
 
Gas naturala
Abenduko gas naturalaren guztizko kontsumoak %11,5 egin du gora aurreko urteko abenduarekin alderatzen bada, eta urteko metatua %20,5 handiagoa izan da. Zentral termikoen kontsumoari dagokionez, 2018ko abendukoa baino %63,6 handiagoa izan da, gainerako sektoreek ere gora egin dutelarik (%0,8).

Erregaiak garraioan
2019ko azaroan, EAEn, garraioen erregaien kontsumoa %1,6 igo zen aurreko urtekoarekin alderatuz, baina urteko metatuak behera egin du %1,2.

Epe berean, A gasolioaren kontsumoak %0,8ko igoera izan du eta gasolinek aldiz, %9,1.




Iturriak: EEEren lanketa, CORES, Enagás eta Iberdrolaren datuetan oinarrituta.