Mugikortasun elektrikoa

Mugikortasun elektrikoa bultzatzeak modu erabakigarrian lagunduko du Euskadiko garraio-sektorearen deskarbonizazioan epe luzera aurrera egiten eta 2030erako helburuak betetzen.

Barne-errekuntzako motorrak dituzten eta jatorri fosileko erregaiak erabiltzen dituzten ibilgailuek ez bezala, ibilgailu elektriko puruek (bateria elektrokimikoa dutenek) ez dute BEGen zuzeneko emisiorik sortzen; beraz, ibilgailu konbentzionalen ordez ibilgailu elektrikoak erabiliz gero, zuzeneko BEGen emisioak murriztuko dira.

Garraioaren sektorea deskarbonizatzeak aukera batzuk sortuko ditu balio erantsia, enplegua eta gaitasun berriak sortzeko industrian eta Euskadiko zerbitzuen sektorean. Horiek guztiak, nolabait, deskarbonizazioan aurrera egiteko erabil daitezkeen tresnei lotuta daude.

Nazioarteko mugikortasun elektrikoa asko hazi da azken urteotan. 2015. urtean zirkulatzen ari ziren lehen milioi¹ bilgailu elektrikoen atalase sinbolikoa gainditu zen, eta 2020. urtearen amaieran 11,3 milioi ibilgailu elektriko iritsi ziren mundu osoan (AIE, 2021).

(1) Bateria-ibilgailu erabat elektrikoak, hibrido entxufagarriak eta erregai-gelaxkakoak barne.

Hala ere, Europak lehen aldiz gainditu du Txina ibilgailu elektrikoen merkatu nagusi gisa. 2020an, Europak ibilgailu elektrikoen salmenten % 10 lortu zuen, gutxi gorabehera; Txinak, berriz, % 5,8. Beste herrialde batzuek %2tik gorako merkatu-kuotak lortu zituzten lehen aldiz 2020an.

Ibilgailu elektrikoen Espainiako merkatua guztizkoaren %5era iritsi da.

Autoen hileko erregistroak, erregai‑motaren arabera

Iturria: JATO DYNAMICS, ACEA, 21EKO IRAILA1

2022ko uztailean onartutako mugikortasun elektrikoaren euskal estrategia berriak 1.550 – 2.340 M€-ko inbertsioa aurreikusten du 2030 arte, eta eragin handia izango du balio erantsian, enpleguan, enpresen lehiakortasunean eta berrikuntzan.

Mugikortasun elektrikoa da euskal ekonomiaren deskarbonizaziorako funtsezko sektore baten egokitzapenaren aitzindaria. Horren garapenak, epe ertain eta luzean, onurak eskaintzen ditu Euskadin energia-trantsizioa bultzatzeko. Onura horien arrazoia sare elektriko adimendunekin (smart grids) eta, hedaduraz, energia-sistema integratu batekin dituen sinergiak dira.

Dokumentu honetan deskribatutako posizionamendu estrategikoarekin bat etorriz, jarraian azaltzen dira 2030. urteari begira ezarritako helburuak. Helburu horiek betetzeak estrategia hau zenbateraino bete eta eramaten den aurrera adieraziko du.