Eusko Jaurlaritzaren
Energia Agentzia

Jardunaldiak eta albisteak

Autokontsumoa

Autokontsumora bideratzeko energia berriztagarrien bidezko energia elektrikoaren sorkuntza nabarmen areagotu da azken bi urte hauetan, araudi esparru berriaren ondorioz; izan ere, erabiltzaileei segurtasun eta berme handiagoa emateaz gain, garapenerako oztopoak ziren bidesari batzuk baztertzen baititu; eta bestetik, autokontsumo-instalazioetan asko erabiltzen den teknologia fotovoltaikoaren kostuaren murrizketa handia dakarrelako.

244/2019 Errege Dekretuak, apirilaren 5ekoak, autokontsumo elektrikoaren inguruko araudi esparrua finkatu eta osatu du, urriaren 5eko 15/2018 Errege Dekretu-Legeak sustatu zuena eta, aldi berean, urriaren 9ko 900/2015 Errege Dekretua aldatu zuena; autokontsumorako funtsekoak diren honako aspektu hauek garatzen ditu:

  • Energia elektrikoa autokontsumitzeko baldintza administratiboak, teknikoak eta ekonomikoak.
  • Autokontsumoari begirako instalazio hurbilak definitzen ditu, sareko barne-instalazioak eta sareko instalazio hurbilak bereiziz.
  • Autokontsumo kolektiboa eta banakakoa garatzen ditu.
  • Soberakinik gabeko autokontsumo-instalazioak eta soberakinak dituztenak bereizten ditu.
  • Soberakinak dituzten autokontsumo-instalazioak sailkatzen ditu, soberakinei ematen zaien tratamenduaren arabera; alde batetik, konpentsazio sinplifikatua duten instalazioak kontsumitzaileen defiziten etaberen elkartutako autokontsumo-instalazioen soberakinen artean; eta bestetik, soberakinak sareari saltzen dizkioten instalazioak.
  • Energia elektrikoa autokontsumitzeko erregistro administratiboa antolatzen du, izena emateko prozedurarekin batera, kontsumitzaileei karga administratiborik ez dakarkiena.
Panel solar Paneles azotea

Duela hamarkada batzuk hasi zen EEE Energiaren Euskal Erakundea autokontsumoa sustatzen, energia iturri berriztagarrien bidezko instalazioen aldeko apustua eginez, energia elektrikoa sortzeari begira, edozein teknologia berriztagarri garatzeko aukera ematen, hala nola fotovoltaikoa, eolikoa, biomasa edo itsas energia, orain arte gehien erabili dena fotovoltaikoa bada ere.

Eusko Jaurlaritzako Hezkuntza Sailarekin sinatutako hitzarmen baten bitartez, Energiaren Euskal Erakundeak 170 planta fotovoltaiko baino gehiago instalatu ditu Euskadiko institutu publikoetako estalkietan, batez besteko potentzia instalatua 5 kWp-koak direnak. Gainera, proiektu hori baliagarria izan da ikasleak sentiberatzeko energia berriztagarrien inguruan.

Lankidetza proiektu horren arrakasta ikusita, Energiaren Euskal Erakundeak bide beretik jo zuen Euskadiko beste administrazio publiko batzuekin. Izan ere, potentzia ezberdina duten ia 50 planta fotovoltaiko instalatu dira erakin publikoetako estalkietan, Eusko Jaurlaritzaren zein Toki Administrazioaren jabetzako lekuak direnak. Nabarmentzekok dira instalazio horien artean, EHU-UPVren mendeko fakultate batzuetan jarritakoak, adibidez, Gasteizko Farmaziakoak edo Hezkuntza eta Kiroletakoak; Bilbon, berriz, Ekonomia eta Enpresakoak edo Ingeniaritza Eskolakoak, eta Donostian Arkitekturakoak eta Psikologiakoak. Horietaz gain, SPRI sozietate publikoaren jabetzako erakinetan ere zenbait instalazio jarri dira; baita Zamudio eta Miñanoko parke teknologikoetako eraikinetan instalatutakoak ere, 200 kWp-ko potentziatik gora dutenak. Era berean, Euskadiko udalerri batzuetako udal kiroldegietan ere jarri dira horrelako instalazioak. Guztira, potentzia instalatua 5 MWp-koa baino handiagoa da.

Aldi berean, Energiaren Euskal Erakundeak autokontsumora bideratutako eguzki-planta fotovoltaikoen instalazioa bultzatu du etxebizitzetan, sektore publikoko eta tertziarioko enpresetan eta eraikinetan, horretarako egiten diren inbertsioen egileei itzuli beharrik gabeko dirulaguntza emanez.

Hala, 2018. urtean, Energiaren Euskal Erakundeak 78 instalazio diruz lagundu zuen, 430.000 € bideratuz; guztizko potentzia instalatua 1,2 MWp-koa izan zen.

2019. urtean, aldiz, dirulaguntza eman zien 292 instalaziori; denetara, 8,0 MWp-ko potentzia instalatua dauzkatenak eta 1.890.000 € banatuz.

Autokontsumo partekatua errazten duen legedia berriak bidea zabaltzen dio energia-komunitateen eraketari, haien energia sortzeko eta kontsumitzeko gai izango diren bezero aktiboei aukera emanez energia elkarri trukatzeko, autokontsumitzen ez dituzten soberakinak energia-komunitateko beste kide batzuekin trukatuz.