Hemen zaude: Prentsa aretoaBerriak
iturriaren tamaina handitu iturriaren tamaina txikitu

Berriak  

Emaitza orri bakoitzeko:

2018/07/20

Europako lehen laborategi flotagarria instalatuko da Bimepen, itsas barruko benetako ingurune batean saiakuntzak egiteko

  • Instalazioak Eusko Jaurlaritzaren laguntza jaso du, eta, hari esker, itsas ingurunean in situ eta kondizio erreal monitorizatuan egin ahal izango dira askotariko saiakuntzak: korrosioaren aurkako material eta soluzio berriak, zahartzea eta foulinga (inkrustazioak).
  • Itsas zabaleko energiaren negozioa handitu nahi duten euskal enpresen behar espezifikoei erantzuten die instalazioak. Euskadiko Energiaren Klusterrak sustatuta, enpresa hauek izango dira, beste batzuen artean, beren soluzioak saiatzen lehenak: Erreka, Credeblug, Ditrel, Navacel, Tubacex, Vicinay, Nem Solutions eta Sasyma Coatings.
  • Eusko Jaurlaritzak lagundu du laborategia eraikitzen eta instalatzen. BIMEP (Biscay Marine Energy Platform) plataforman kokatuko da, eta han hasiko da martxan. Itsas energiak itsas zabalean ikertzen dira plataforma horretan; Armintzan dago, eta Euskal Energiaren Erakundeak (EEE) garatu du.
  • Gaur goizean “uretaratu” dute laborategia, Bermeoko portuan, eta han izan dira Arantxa Tapia, Eusko Jaurlaritzako Ekonomiaren Garapeneko eta Azpiegituretako sailburua eta EEEko lehendakaria, Iñaki San Sebastián, TECNALIAko CEOa eta José Ignacio Hormaeche, EAEko Energiaren Klusterreko zuzendari gerentea.

2018/07/11

Donostialdeko, Oarsoaldeko eta Txingudiko udalen trantsizio energetikoarekiko konpromisoa aitortu du Energiaren Euskal Erakundeak

  • Aitorpena Errenterian gauzatu da, argiteria publikoaren sistema led teknologia erabiliz moldatu berri duen udalerrian.
  • Argiteria publikoaren efizientzia-proiektua ezagutzeko bisitaldi teknikoak agerian jarri ditu hobekuntza energetikoaren proiektuek dauzkaten alde onak: aurrezte ekonomikoa, zerbitzuen hobekuntza eta ingurumen-onurak.
  • EEEk bereizgarri bat aurkeztu du 2030eko Euskadiko Estrategia Energetikoaren helburuak betetzen laguntzen duten administrazio edo eremu publiko-pribatuarekin elkarlanean garatu diren ekimenak identifikatzeko.

2018/07/06

Durangaldeko, Debabarreneko, Arratiako eta Nerbioiko udalen Trantsizio Energetikoarekiko konpromisoa aitortu du Energiaren Euskal Erakundeak

  • Gaur goizean gauzatu da aitorpen hori Durangoko Landako II Kiroldegian, hau da, bere eraikuntza-kalitateari, eta energia aurrezteko eta energia berriztagarria aprobetxatzeko sistemei esker “A kalifikazio energetikoa” duen azpiegituran.
  • Durangoko Udala, Energiaren Euskal Erakundearekin lankidetzan, ozonoaren bidez ura tratatzeko sistema berri bat ezartzen ari da, eta ura berotzeko energia murriztea ahalbidetuko du horrek.
  • Bisitan, EEEko zuzendari nagusi Iñigo Ansolak inguruko hogeita hamarren bat udalerriren eta udalerriz gaindiko erakunderen konpromisoa azpimarratu du, kalitatezkoa eta lehiakorra den hornidura ziurtatzen duen energia-sistema jasangarria lortzeak duen garrantziaz ohartzen direla erakutsi baitute.
  • EEEk 2030eko Euskadiko Estrategia Energetikoaren helburuak betetzen laguntzen duten administrazio edo eremu publiko-pribatuarekin elkarlanean garatu diren ekimenak identifikatuko dituen markaren berri eman die.

2018/07/05

Araia, Zuia eta Nerbioiko udalen Trantsizio Energetikoarekiko konpromisoa aitortu du Energiaren Euskal Erakundeak

  • Aitorpena gaur goizean egin da Amurrion, bere industrialdean energia berriztagarriaren sorkuntza eta enpresen beraien efizientzia energetikoa sustatzeko proiektu aitzindari bat baitauka.
  • EEEko zuzendari nagusiak, Iñigo Ansolak, inguruko 16 udalerrien eta udalerriz gaindiko erakundeen konpromisoa azpimarratu du, kalitatezkoa eta lehiakorra den hornidura ziurtatzen duen energia-sistema jasangarria lortzeak duen garrantziaz ohartzen direla erakutsi baitute.
  • EEEk 2030eko Euskadiko Estrategia Energetikoaren helburuak betetzen laguntzen duten administrazio edo eremu publiko-pribatuarekin elkarlanean garatu diren ekimenak identifikatuko dituen markaren berri eman die.

2018/07/03

Energiaren Euskal Erakundeak garraio elektrikoaren aldeko apustua indartu du ibilgailu elektrikoak arin kargatzeko instalazio berri bi bultzatuz

  • Bilboko Udalaren eta Energiaren Euskal Erakundearen akordio bati esker jarri ahal izan dira Ibilgailuak azkar kargatzeko puntu berri biak.
  • Instalazio horietako bat erabilgarri dago Etxaniz Suhiltzailearen plazan. Bigarrena Sabino Arana kalean jarriko dute. IBIL karga-gestoreak kudeatuko ditu biak. Energiaren Euskal Erakundeak IBILen % 50eko partaidetza du eta beste %50 Repsolek du.
  • Terminal hauek biak abian jarrita, Bizkaiko uriburuan guztira hiru puntu egongo dira IBILen ibilgailu elektrikoak arin kargatzeko.

2018/06/20

Tolosaldeko, Goierriko eta Urola Garaiko udalen trantsizio energetikoarekiko konpromisoa aitortu du Energiaren Euskal Erakundeak

  • Aitorpena gaur goizean egin da Tolosan, bertako kiroldegiko instalazioetan energia berriztagarriak eta efizientzia erreferentzia izan baitira beste udalerri batzuentzat.
  • EEEko zuzendari nagusiak, Iñigo Ansolak, inguruko 50 udalerrien konpromisoa azpimarratu du, kalitatezkoa eta lehiakorra den hornidura ziurtatzen duen energia-sistema jasangarria lortzeak duen garrantziaz ohartzen direla erakutsi baitute.
  • EEEk bereizgarri bat aurkeztuko du 2030eko Euskadiko Estrategia Energetikoaren helburuak betetzen laguntzen duten administrazio edo eremu publiko-pribatuarekin elkarlanean garatu diren ekimenak identifikatzeko.

2018/06/17

BiMEPek ur gaineko aerosorgailuen ikerkuntza hartu ahal izango du

Ingurumen baimena jaso du Ingurumen Ministerioaren aldetik, Estatuko Boletin Ofizialean argitaratua, gaur

2018/06/16

Energiaren Euskal Erakundeak ematen dituen energia instalazio berriztagarriak sustatzeko diru laguntzak indarrean daude

Diru laguntzetan 2.000.000€ bideratuko dira 360 instalazio berri bultzatzera

2018/06/07

Bodegas Remelluri aitzindaria Europan, bero-premia guztiak biomasa-planta bat erabiliz betetzen dituelako

  • Berrikuntza teknologikoa eta tradizioa uztartzen dituen proiektu honi esker, Bodegas Remelluri-k bere instalazio guztietako energia-premiak iturri berriztagarrien bitartez estaltzen ditu modu integralean, besteak beste produkzio ekologikoko 250.000 botilako produkzioari erantzuteko moduan.
  • Enpresak bat egin zuen Energiaren Euskal Erakundearen laguntza-sistemarekin, biomasako kondentsazio-galdarak erabiliz district heating sistema ezartzeko, eta, horri esker, % 40 aurreztuko du energiaren fakturan.
siguiente
1 - 2 - 3 - 4 - 5